Ta ansvar i eget liv

Beskrivelse

«Det er eit imponerande og viktig arbeid Erling Thu presenenterer i denne boka. Imponerande fordi det er skrive på kort tid då debatten om temaet «underordning» har vore intens og ofte ganske overflatisk. Viktig fordi det femner så vidt og loddar så jupt. Kanskje kan boka synest for omfattande, men eg trur det er godt at vi får sjå samanhengane i Guds ord og ikkje avgrensar til eitt snevert tema. Erling Thu viser kor gode Guds ordningar er for oss. Den som vil søke sanningane i Guds ord, får god
hjelp gjennom denne boka. Så er det forfriskande å lese ein tekst med så godt nynorsk språk med spor av jærdialekt. Ein annan ting som styrker boka, er at Erling Thu er så personleg, både med omsyn til røynsler frå den kristne forsamlinga og frå eige ekteskap. Ektemaken får ei høg stjerne. Det betyr at underordning og ordningar der i heimen er langt frå undertrykking. Ekteskapet er prega av gjensidig respekt og tenarsinn. Boka fortener mange lesarar.»
Stig Magne Heitmann – Åpne Dører